ڌرم وير (اخبار): هيءُ اخبار 30 مارچ 1921ع ڌاري سوامي امرداس نالي، ٻائي جي ادارت ۾ پڌري ٿي. چوئٿرام لالواڻي به هن اخبار جو ايڊيٽر رهيو. هي اخبار سوامي هرنامداس اُداسيءَ جي يادگيري ۾ جاري ڪئي وئي هئي. 1921ع کان 1924ع تائين، گرمکي، انگريزي ۽ سنڌيءَ ۾ ڇپبي هئي. بعد ۾ اخبار ماهوار رسالي جي صورت ۾ رڳو سنڌيءَ ۾ شايع ٿيندي رهي.’ڌرم وير‘ امر پريس، سکر ۾ ڇپبي هئي. 1927ع کان ’ڌرم وير‘ رسالي ۾ انگريزي زبان ۾ به ڪالم درج ڪيا ويا. ڌرم وير ۾ اختلافي مواد شايع ٿيڻ ڪري 1936ع ۾ هندو ليگ گزيٽ پاران هن اخبار خلاف بدناموسيءَ جو ڪيس داخل ڪيو ويو.
1921.03.30 عيسوي
هيءُ اخبار 30 مارچ 1921ع ڌاري سوامي امرداس نالي، ٻائي جي ادارت ۾ پڌري ٿي.